औंल दु:ख बानर का खरक दु:ख भैसाका
घर दु:ख शाहु बैरीका परदेश पैसाका
पुनिउकी चन्द्रमाजसी उदिन्या घामजसी
कसीछै सुन्तलीबोटपाकेका आमजसी।
ईन्द्रकि अप्सराहैकि स्वर्गकि परी है,
मनकि मायालुहैकि उडन्याँ चरी है।
लेक मुइले धान बोएका लेकै डाल पडेकी
कै कि है सन्तुली भाडी पाकी लाल पडेकी
एकघुच्चो कोलणीकन एकघुच्चो गाईकन
लैजादोभ्या अछाम जिल्ला लडेली साईकन
मेलाको हरीयो घास काटेको गाईकि लाई..
तो तउँरो लाँहुरे जोबन साचेको कैकिलाई
हात्ती लोट्यो कुलि बान... माउते मालु झुल
हेर्नु भै पहिरनु भइ नई... हजारी का फुल |
बम्बै बस्ने बम्बेला लाई दरिया को हवाई ।
न त प्यारी बाटो हेराई नत मेरी अवाई ।
खोलिउदा दुई जोलि पिपल धमर्केका टुनि ।
नछुटेई लड्याला प्रिति गाउँका कुरा सुनि ।
बम्बईका चार तले घर पानी पड्यो टिनमा,
रोई2 दिन काटना भया हास्न्या खेल्न्या दिनमा
जा पापी बरीखा मास लाग बाहाडी हिउन ..!
कसी छौ भेरी का जल पाईने होके पिउन ..!!
घसारीले घाँस काट्या हो व्यान्न्ल घाममा
कति को रमाइलो होलो डेउडाका राममा ??? .
घोगाको सत्यनास गर्यो... पारीबटा गुनाले
रातीमा सीरानी भिझी... सुवा सम्झी रुनाले
भोक भया मकै का रोटी... खाने भया खाई जाउ
बाली बैस गुजारनु क्या छ... हिट अछाम बाई जाउ
काईसि आगलो रेतिलैग... अगठि फेरे ले
सौरडि काटिने हो कि... टाडा है हेरे ले
कुलो बगदो भरदुनि को... रोपाई गरदा नारि
कता छुटेया आमा बुआ... का छुटि पियारि
जोगी हौ कि देश डुलु की... भिक मागु कुटि गै
बाल कालै लाया को माया... आज भोली छुटिगै...
रेलगाडी बयाली खेल्दा फलामे सरिमा
शबैकियसाईहुन दुख जिन्दगी भरिमा
शेरी खेतका धान सिरौला,आएई चडी खाएई ।
म हूँला प्रदेशी सुवा ,बाटुली नलाएई ।।
सुच्चा सुच्चा यो परानी... सुर्ता ले खान लाग्यो
आइजा बाज घर फर्की... जवानी जान लाग्यो
हिउन खाउला सुकाइ राखे चोती का चनौला
जन सुके पहाड का पानी फिर पहाडै आउँला
बासमती रोप्या का जिउला... पाक्यो जौल्या धान
छुट्टी दे खाडी का सेट... मेरा श्री मान ...
हिड बाईजाउ घुम्नका लागि... मुगु रारा ताल,
कैले पनि न छुटिन्या... लाउला माया जाल।
पश्चिम बग्ने माहाकाली, पुर्व बग्ने भेरी।
रात दिन रोइ रोय काट्या, साईको फोटा हेरी।।
माग फुल्यो फागुन फुल्यो... फुल निको पयाउली को
बोलि मिठो मायालु को... सोर निको न्याउलि को!
कुटिकाटि वखलिले पिस्या जातरिले
इति सोराइ क्याइ लागन्छे माया कात्तरिले
गाजो काटि धुनलोटाउनी मेलीकि गजारी.
सन्चै छ कि परानीमा ए फूल हजारी
माल है परेवो आऐवो... झरे फल खाना कि
किरमुलो हाथ गोडा धुनो... नेपाल जाना कि
बाटा ति काफलको डालि... रिगदै पडे खोला
आई गया सुनाउलि कोल... जसो होला होला !
धान कुटी चामल भया...चामल कुटी पिठो ..!
क्या लाग्यो सुवा को माया... अङगुर जती मिठो ..!!
गाऊ भदेको डाडा मारगु... खाऊ भदे पानि नाई
हाथ समाई मुलि दैन... जाउ भंने बानि नाई
खोलिको हरियो स्याप च्यापेर चिल्लैन
म-यो मान्छे गयो जोबन खोजेर मिल्लैन ।
बड छ दाई पिपल लाऊ कि... गंगा का तिर थि
ऐसै रैजाउ बालो जोबन... न छुटव पिरथि...
फुलफुल्या फल लागीझाउ बादल लग्या पानी
उमर रैझाउबाली बैश भाग्यमिलझाइ छानी
No comments:
Post a Comment